الرئيسية / بالعربي الفصيح / بلحظة بينتهي كل شي

بلحظة بينتهي كل شي

بقلم الأخت ناي خوري

فكروا للحظة معي، انو يومك ماشي عادي وما في شي، وبلحظة بيوقف قلبك، بلحظة بينتهي كل شي… وبتترك كل شي متل ما هوي. … وبتنتقل لتواجه ربّ العالمين، وتنحط اعمالك ونواياك على ميزان العدل… فكر معي للحظة، شو رأيك، ميزان العدل بيطبش ع الجيّد او السيء؟… للحظة فكر، شو معقول يسألك رب المجد بهيدي الساعة؟ كم عمل عملت ؟ او كم برنامج قدمت؟ كم مقال كتب؟

قديش عدد اصحابك وقديش عدد اعداءك؟ قديش مصرياتك وقديش نجاحاتك؟ كم مرة اخدت بطولة ؟ او كم مرة كنت الاول بالرايتنغ؟ كم مرة تعلقلك صورة ع الاوتوستراد او كم مرة بينت ع الشاشة؟…

بتعرف، ما بظن هيك رح يسأل، بعتقد مش رح يسألك، بس رح يقلك، انا زعلان منك ع كل مرة هنت زميلك، ع كل مرة هنت مرتك وولادك، ع كل مرة ما عطيت فرصة لزميلك يوضح وجهة نظرو، ع كل مرة جرحت فيها قلب غيرك بالهانة والشتم والكلام البذيء، زعلان لان بالحفلات بتتواطئوا بوض مع بعض، وبتبرموا ضهركن لبعض، رح يقلك، زعلان كتير لان احتكرتو النجاح واعتبرتو حالكن انتو مصدر الابداع وقوة المواهب، زعلان لانك لما بتنجح بتتباهر بحالك وبتنسيني، ولما بتضعف بس بتتذكرني واذا شي مرة تأخرت عليك تلومني وع نتفة بتنكرني، زعلان لان بتتدفع حق جوايز دهبية لتاخدها، واكليل المجد ما بتتدفع تضحية كرمالو… مش رح يسألك، بس رح يلومك، رح يلومك قدر اللوم اللي بخليك تخجل… ونسينا الخجل، ومسيطر ع يومياتنا وعلاقاتنا الوقاحة اللي مغطينها بالجرأة…

فكر للحظة معي، اذا توقف قلبك شو رح تجاوب الرب ..

عن cmslgn

شاهد أيضاً

0C80616A-A8D1-4506-A39D-883214384786

النجاح ما بِمِل من الكاتبة كلوديا مرشليان!

ايلي مرعب – اوائل نيوز  مسلسل ورا مسلسل ونجاح ورا نجاح، الكاتبة كلوديا مرشليان ما …