Awael News Magazine رئيس التحرير: عادل سميا
مقالات مشابهة
ايلي مرعب – اوائل نيوز
بوب مكرزل مدرِّب تمثيل للعديد من الأدوار يلي نجحت وتركت أثر إيجابي عند المشاهدين وعند الممثلين، بداية مع مسلسل يا ريت من أهم الأعمال اللبنانية العربية، وبوب كان الو بصمة وراء شخصيات كتير يلي لعبوا أدوارن ماغي بو غصن، باميلا الكيك، مارينال سركيس ووسام حنا يلي نال جائزة موريكس دور. اما بمسلسل ثورة الفلاحين يلي يعد من أضخم الإنتاجات واللي انعرض بلبنان وبالدول العربية بوب درَّب أغلب ممثلين هالعمل، اما الجوائز كانوا من نصيب ورد الخال، باسم مغنية وختام اللحام.
واليوم بمسلسل أولاد آدم بطولة ماغي بو غصن، مكسيم خليل، دانييلا رحمة وقيس شيخ نجيب، بوب مكرزل درَّب ماغي ودانيلا على أدوارن المركبة والصعبة اما ردات فعل الجمهورعم بتكون أكتر من إيجابية والكل أثنى على المجهود والتمثيل الرائع.
أما مسلسل الساحر من بطولة عابد فهد وستيفاني صليبا يلي عم ينعرض بشهر رمضان ٢٠٢٠ اشتغل بوب على شخصية كارمن يلي عم تلعب دورها ستيفاني صليبا مش بس على الأداء وبساطة الشخصية انما على اللوك وعلى تركيبة الشكل الخارجي والأصداء إيجابية.
مسلسلات، مسرحيات كتير بوب كان الو الفضل بنجاح هالشخصيات ووصلت بطريقة ذكية، جديدة ومقنعة.
