الرئيسية / بالعربي الفصيح / العري لا يعني النجوميّة

العري لا يعني النجوميّة

بقلم الأخت ناي خوري

ما بعرف شو معقول واحد يقول عن الدخلا اللي طاحشين ع الوسط الفني والاعلامي، يعني بدن يطيحوا بالزملاء المبدعين، ويسيطروا ع الاعمال بالقوة وبأي وسيلة ممكنة… عندك برامج الهواة اللي مفروض ينجح منها فنان وينطلق، بيطلع كل مين شارك بالبرنامج نجم، عداك عن مسابقات الجمال، وباقي البرامج، اللي بتصدرلنا كل سنة مجموعة ممثلين واعلاميين… بيغني ما بينجح، بصير يمثّل بيفشل، بقدم برامج أضعف، بدن يفرضوا حالن علينا بالقوة، وبدن يقنعونا انن موهوبين… وحتى مستعدين انو يتعرّوا بس يظهر بفيلم عراة بس ليحققوا شهرة… وتعا قلن يا خيي عيب، بقوموا عليك،وبصنّفوك قاتل الحريات ومهاجم المواهب… يا عيني، البعض فهمانين الفن غلط، لو بتتعرى انت والمدام والضيعة كلها، العري ما بيعني النجوميّة، مش نحن اللي بدنا نقتنع بمواهبك، انت بدك تقتنع انك مش موهوب، وما فيك تفرض حالك علينا، ولا مشاهدك، وسخافتك، وقلة التهذيب… ورجاء، للزملاء انتو ما تهنّوا وتشجعوا هيك اشخاص، ولا الصحافة تروّج لهيك اعمال ان كان بالمدح او بالنقد، لأن نحن كمشاهدين ما رح نقبل بقى بالاعمال المنحطة طول ما عنا اعمال مهمة وناجحة..

عن cmslgn

شاهد أيضاً

0C80616A-A8D1-4506-A39D-883214384786

النجاح ما بِمِل من الكاتبة كلوديا مرشليان!

ايلي مرعب – اوائل نيوز  مسلسل ورا مسلسل ونجاح ورا نجاح، الكاتبة كلوديا مرشليان ما …