Awael News Magazine رئيس التحرير: عادل سميا
مقالات مشابهة
بقلم الاخت ناي خوري
بتقتلني الكلمات اللي منستخدمها بمهاجمة بعضنا… بستغرب كيف شعراء بيكتبوا أحلى الكلمات لأغنيّة بيسحبوا مشاعرنا من قلوبنا، وبنفس الوقت عند أي مشكلة بيستعملوا كلمات لاأخلاقيّة… بستغرب كيف إعلامي ببرنامجه عم ينتقد انحطاط الاعمال، وينتقد الخطأ بكلمات بتخطّي… بستغرب فنان او ممثل بدور بيحكي المثاليّات وعند أوّل إنتقاد بيفتح الحرب بقصف بتنزل متل الراجمة عالقارئ والسامع… بستغرب بالمقابلات بينحكى عن يسوع والرسول وعمواقع التواصل الاجتماعي بينكتب كلمات لا بترحم العرض والشرف والكرامات… بستغرب التناقضات بين القول والفعل، بين الحكي والمواجهة… كانوا زمان الناس، تكره فنان بسبب أخدو لأدوار شريرة ولما حدا يتعرف شخصيًا عليه ويشوف شخصيتو الطيبة غير أدواره يضجّ الدني بالحكي عنو… بس اليوم أكتريّة الأدوار عم تكون مثاليّة، قانونيّة، رجال استقلال، شيخ صلح، ستّات، سيدات، إمات، وشخصيات… ويا خوف شي يوم نلاقي هالأدوار المثاليّة بعيدة كل البعد عن الشخصيات الحقيقيّة… ساعتها منسلّم سلاح الفن والاعلام …
