Awael News Magazine رئيس التحرير: عادل سميا
مقالات مشابهة
بقلم الأخت ناي خوري
من أقسى الكلمات اللي سمعتها من لسان أحد(ى) المبدعين (ة) الكبار، هي : ” كل النهار، ما حدا بدق بابي، او بدق تلفوني”… كلمة دخلت دينتي ووقفت ع باب قلبي … كلمة قاسيّة كتير… بس مش رح أوقف عند أسبابها… بس تعوا نسأل حالنا معقول نحن نوصل لنفس الحالة ؟… معقول تكون نجم أول وما حدا في يحكي معك، وتصير ما حدا يحكي معك ؟… قاسية، لأ؟… من الاكيد هالمبدع (ة) الكبير(ة) اسبابو غير اسبابنا، سببه الوحيد إنو كبر ووقف شغلو ونسيوا المنتجين والكتّاب… بس نحن اذا وصلنا لهيدي الحالة أسبابنا هي تكبّرنا، تعالينا ع بعضنا، غيرتنا، حقدنا، مناكفاتنا… كيف يعني واحد بيختلف مع التاني ع سيت او بكواليس برنامج، بقلّو: ” انت حقّك فرنكين”… ولك هيدي كلمة بتخلّي واحد يدق بابك بعد تلاتين سنة؟؟… كيف تنين زملا بهينوا بعضن ع سوشيل ميديا بأفظع الكلمات بدق بالكرامة، كيف بدو يندق بابك؟.. بعد تلاتين سنة، مين بدو يزورك وانت ما بتزور حدا ؟.. ايه بزعل وببكي لما حدا من مبدعين اليوم بقلّي: مش عم شوف حدا، وهوي مش ذنبو… بس ببكي أكتر واكتر لما بفكّر انو في مبدعين بعد تلاتين سنة ما حدا رح يدق بابن، وبذنبن… فكروا فيها …
