Awael News Magazine رئيس التحرير: عادل سميا
مقالات مشابهة
ايلي مرعب – اوائل نيوز
مسلسل ورا مسلسل ونجاح ورا نجاح، الكاتبة كلوديا مرشليان ما بِخلِت عالناس بالأعمال يلي ترَكِت بصمة بذهن المشاهد مثل سارة، لونا، باب ادريس، روبي، جذور، اتهام، الشقيقتان، ثورة الفلاحين، ما فيّ وغيرن كتار من انجح واهم المسلسلات اللبنانية والعربية، وكان الها فضل كبير بنجوميّة كتير من الممثلين والممثلات يلي لعبوا أدوار نجَّموا من خلالها وكانوا من كتابة كلوديا مرشليان.
كاتبة، مؤلفة وممثلة قدَّمت أعمال تاريخيّة، ميلاديّة، عصريّة وأفضل مين كتب مسلسلات عن حقبات زمنية ومن اهمّن مسلسل ثورة الفلاحين يلي لاقى رواج ونجاح بلبنان والدول العربية من بطولة ورد الخال، باسم مغنية، وسام حنا، ايميه صياح، كارلوس عازار، سارة ابي كنعان وغيرن كتار.
سنة ٢٠١٢ كتبت كلوديا مسلسل روبي وكان اول مسلسل عربي وبضم جنسيات لبنانية، سورية ومصرية بطولة سيرين عبد النور مكسيم خليل وامير كرارة ولاقى رواج ونجاح بشكل كتير كبير.
آخر أعمال كلوديا مسلسل بردانة انا يلي عم ينعرض بشهر رمضان ٢٠٢٠ بطولة كارين رزق الله، بديع أبو شقرا، وسام حنا، رولا حمادة وكتار غيرن وبعد مرور اول ٧ أيام من شهر رمضان، شركة ايبسوس أعلنت عن نسبة المشاهدة وكان مسلسل بردانة انا بالصدارة.
كلوديا مرشليان اسم كبير بمجال كتابة المسلسلات والنجاح رافقها كل هالسنين قد ما نحكي وقد ما نقول بيبقى قليل قدام مسيرة كبيرة وانجازات عظيمة.
