Awael News Magazine رئيس التحرير: عادل سميا
مقالات مشابهة
ايلي مرعب – اوائل نيوز
منذ دخوله عالم التمثيل اثار جدلا حول اسمه، اجتهد، نجح ولعِب ادوار البطولة في كل من مسلسل زوجتي أنا، البيت الأبيض والعاصي، كما ان هذه الأعمال حققت اعلى نسبة مشاهدة خلال فترة العرض.
كان لنا معه حوار
بالبداية كرجل أعمال دخل عالم التمثيل هل الأدوار يلي لعبتها برزت موهبتك؟ شو الدور يلي أنصفك كممثل مجتهد؟
لمست قبول من الناس من اول دور لعبته بمسلسل زوجتي انا، اما الدور يلي استمتعت انا وعم بشتغل فيه وحقق نجاح كبير مسلسل العاصي.
مين من الممثلات اللبنانيات عبالك تعمل ثنائية معها بمسلسل او فيلم؟
أي ممثلة بكون الدورلابق عليها ولابقين سوا كثنائية رح كون مبسوط بهالتعامل.
شو الدور يلي عبالك تلعبوا بالايام الجايي؟ واذا في سيرة ذاتية مين الشخصية يلي بتحب تمثِّل قصة حياتها؟
حابب العب دور رومنسي، الأهم انا وعم بقرا النص يشدني ويستفزني الدور واستعجل حتى خلِّص القراءة هيدا يلي بيجذبني بالعمل.
اما كسيرة ذاتية ممكن شخصيّة يوسف بك كرم
بظل الظروف الصعبة يلي عم يمرق فيها لبنان وكرجل اعمال فكرت تهاجر وتترك البلد ؟
رغم الوضع الصعب يلي عم نمرق فيه ما فكرت ولا مرة هاجر واترك لبنان، ممكن وسِّع شغلي خارج البلد بس ما بفل.
شو مشاريعك الجايي وهل ممكن تخوض تجربة جديدة غير التمثيل؟
في دورين بين ايديّ، بعدني عم غوص بتفاصيل كل دور واذا لقيتهن مناسبين بشتغل فين.
اما كتجربة جديدة كل شي بوقتوا حلو، انا بلحق احساسي وبالوقت الحالي مركَّز على التمثيل.
فقرة الأسماء والأسئلة السريعة
مازن معضَّم : صديق وممثل ملتزم.
جويل داغر : مسالمة محبوبة وممثلة محترمة.
كاتيا كعدي : انشالله بتعوض كل العذاب يلي عاشتو مع عاصي بزواجها هالشهر. مبروك سلف الها ولفارس.
سيرين عبد النور : العائلة اولًا، الجمال الهادىء ونجومية ثابتة. واثبتت في غيابها ان مكانها محجوز.
نادين نسيب نجيم : الحضور الأقوى على الساحة العربية حاليًا بتملك المفاتيح : ذكية، حلوة واداء طبيعي.
نادين الراسي : من اخطر الممثلات.
