الرئيسية / أخبار عربية / كارين رزق الله تكشف “هيي مع مين”

كارين رزق الله تكشف “هيي مع مين”

8E86624C-B547-47DF-942C-591D4F837604نشرت الممثلة والكاتبة اللبنانية كارين رزق الله صورة لها عبر حسابها على “إنستغرام” تظهر فيها دامعة العيون، وعلّقت عليها قائلة: “ابداً ابداً… مش مبسوطاااااااااااع !!!”.

وفي منشور ثان، كتبت رزق الله: “بدكن تعرفوا انا مع مين ؟؟ انا مع اللي بيعطيني كهربا ومي ٢٤/٢٤ ، مع اللي بيعمللي طرقات توصلني عشغلي بأقل من ساعتين كل يوم ،مع اللي بضويلي طرقاتي مع اللي بيحزر انو بتشارين معقول تشتي وما بيتفاجأ كل سنة بالشتي وبتعوم عليي الطرقات ، مع اللي بنضفلي بحري ومنطقتي من الزبالة ، مع اللي بيعمللي بنى تحتية وما بخلليني لا اشرب ولا اسقي مزروعاتي من مية المجارير ، مع اللي بأمنلي شيخوخة محترمة بعد التعب اللي عم بتعبو بحياتي ، مع اللي بأمنلي فرص عمل لولادي بس يتخرجوا ، مع اللي بأمن لموظفينو الحد الادنى تيعيشوا بكرامة بلا ما يضطروا ينرشوا ، مع اللي بخللي محاكم بلدي تحكم بالعدل بلا تدخلات ووساطات ، مع اللي بطلعلي الغاز من البحر ، مع اللي بنظم دخول الغربا وشغلن بالبلد ، مع اللي بيقصف عمر كل حرامي بجرب يمدايدو عالمال العام ، مع اللي بيمنع الهدر بالمؤسسات العامة . انا مع اللي بحب بلدي قد ما انا بحبو … وعفكرة هول المطالب هني اقل حقوقي كلبنانية ، هول الحقوق اللي بدفع ضرايبي كل سنة ليكونو مأمنين … جيبولي شخص صيني ما بفهم علي ولا كلمة خلليه يردللي حقوقي المسروقة وانا راضية يحكمني ولو ما بفهم عليه ولا بيفهم عليي !!!”

عن cmslgn

شاهد أيضاً

4E4D8523-568A-4D36-91C8-34286E20FC02

نانسي عجرم تستعد لحفلين مميزين .. وتشوّق جمهورها لمفاجأة جديدة

عادل سميا – اوائل نيوز  تستعد النجمة اللبنانية نانسي عجرم لإحياء حفلين كبيرين خلال الفترة …