Awael News Magazine رئيس التحرير: عادل سميا
مقالات مشابهة
نشرت النجمة اللبنانية هيفاء وهبي، صورا من احتفالية عيد ميلادها، وروت أسرار وكواليس المفاجأة، عبر حسابه الشخصي بموقع إنستجرام قائلة: من يومين تحديدا يوم “7 مارس” كان المفروض عندي حفلة “بمصر” لشركة المفروض، عم يحتفلون باليوبيل الفضي في فندق Ritz Carlton هيك قالولي، ومتفقين من حوالي شهر اني رح غني فيها، وبعدين برجع على لبنان كرمال عيد ميلادي يوم “10 مارس”.
وتابعت: “حضرت حالي بالاوتيل ونازلة على مكان الحفلة ف شخص قدملي بوكيه ورد فوق على باب المصعد فقلت لمدير أعمالي وحبيب قلبي” محمد “معقول فوت عالحفلة ببوكيه ورد خليون يفوتوها عالغرفة قللي نو عادي انا باخدا منك، اوكي ونازلين عالحفلة و انا متوترة و فتح باب المصعد و اذ بلاقي زفة مش عادية قلت يمكن مبسوطين فيي و فجاة محمد بيقللي happybirthday!! طبعا انا بلأول ما استوعبت قلتللو شو هابي بارذدي ؟ وين ال ميكرو؟ يعني ما في مسرح؟ مش هغني؟
دخلت القاعة محمد قللي “ماما” هنا كل سنة وانتي طيبة وتركني اكتشف لحالي شو عم بيصير!
وأضافت: “لقيت كل اصحابي من كل مكان من “لبنان” ومن “مصر” موجودين في الحفل، وعم يصرخون طبعا انا بالأول ما استوعبت، وحسيت بدي ابكي بدي اضحك شعور ما بينوصف وانا بعدني عمب قللو ل محمد يعني مش هغني؟ و هو يقلي بالمصري: بقلك surprise ماما هنا و اخواتك هناك واصحابك هنا دي ليلتك انبسطي وفعلا كانت ليلة من العمر !! شكرا لكل “اصحابي “على المفاجأة الحلوة”.
واختتمت هيفاء حديثها موجه شكرها لمدير أعمالها فائلة : “شكرا” محمد وزيري” لأنك عطول بتخليني مبسوطة حتى بأصعب الأوقات شكرا للي بيحبوني وشكرا لكل الأمنيات الحلوة اللي ما وقفت وشكرا لكم الحب الهائل الي عم شوفوا من الفانز انا بحبكن كتير الله ما يحرمني منكم واليكم”.
