بين نقولا الاسطا وسعد رمضان نفس الاغنية؟

مارس 4, 2018 أخبار عربية اضف تعليق

بعدما اطلقت شركة روتانا للصوتيات البوم الفنان اللبناني سعد رمضان تفاجأ المستمعون بأغنية ضمن الالبوم شبيهة بأغنية للنجم اللبناني نقولا الاسطا والتي كان اصدرها عام ٢٠١٦ وهو الامر الذي دفع بالشاعر نعمان الترس الذي كتب اغنية نقولا الاسطا للتوضيح عبر صفحته الخاصة على موقع الفايسبوك بحيث قال:

سابقه خطيره

بالعاده بترك ورايي وما بعلّق عا سرقه من هون وسرقه من هونيك… وبفتّش عن امكانية التوارد أكتر… وانا بـ طبيعتي مش سريع للاتهام وللشك الحمدلله… بس يللّي اليوم صادفني كان عم يمنعني بشكل كبير من التطنيش أو من انّي اعطي مجال هالقد كبير للتوارد… من أهم الأشعار يللّي كتبتا بيـ مسيرتي لليوم رباعيّه تحت عنوان “لعبة صدا” اليوم استنسخت وصارت ڤيديو كليپ…
يللّي صار هُوّي استنساخ مطلع غنيّه للمطرب سعد رمضان من كتابة الشاعر علي المولى صدرت من يومين عن مطلع غنيّه من تأليفي للمطرب نقولا الاسطا صدرت سنة ٢٠١٦…

ولازم انشر واشرح ووضّح :

المطلع يللّي ألّفتو وتغنّا بيـ سنة ٢٠١٦ :

وطّيت صوتي بـ كلمة بحبّك أكيد
مش لأنّي بخاف يسمعني حدا
ما بتعرفي إنّو الصدا بيرجع يعيد
وما بريد غيري يقولها حتّا الصدا

المطلع يللّي ألّفو الشاعر علي المولى وتغنّا من يومين بيـ ١-٣-٢٠١٨ :

بتعرف ليش بْوَطّي صوتي وبقول بحبّك عالهَدا
لأنّو بخاف هيدي الكلمه يقولا ورايي الصَدا

ضمن المنشور رابط الغنّيتين :