الرئيسية / أخبار عربية / اندريه داغر :” مننجح بالدراما اللبنانية بدرجة 10 على 10 بس يتخلى المنتج عن لعبة الجافصين”

اندريه داغر :” مننجح بالدراما اللبنانية بدرجة 10 على 10 بس يتخلى المنتج عن لعبة الجافصين”

12965957_10153662284206478_2032654265_nفي اطلالته الاسبوعية في فقرة “الحكي فن” عبر اذاعة صوت لبنان ضمن برنامح “عالموجة سوا” عبر اذاعة صوت لبنان 100.5الاشرفية اشاد الاعلامي اندريه داغر باداء الممثلة المبدعة رندة كعدي وبتميزها في ادوار الكوميديا والتراجيديا لهذا الموسم الرمضاني،وكذلك اشاد باداء الممثل عبده شاهين في مسلسل الهيبة واعتبره فلتة الدراما للعام 2017 ،بالاضافة طبعا لنجوم ونجمات صنعوا اسمائهم بحروف من ذهب،

واعتبر داغر ان بعض المنتجين هم من يؤخرون تطور الدراما اللبنانية بالاضافة لبعض الممثلات الواتي يهتمين بشكلن لصالح الدور،واضاف يقول:” اذا اهتمينا بالتفاصيل الصغيرة منتطور بالدراما اللبنانية.

3_4_552742واضاف داغر يقول:” مننجح بدرجة 10 على 10 لما الممثلة تقبل تعطي الدور كامل حقه بالدراما اللبنانية والممثل كمان، لما نبطل نشوف ام مفجوعة بموت ابنها وحبس زوجها وهي ” a quatre epingles ” ،او لما توعى الممثلة ع مصيبة ببيتها  وهي ” full makeup” ، لما الممثلة يللي عم تلعب دور بنت سوبر فقيرة ما تكون مشنشلة بالدهب ومركبة رموش اصطناعية وشعرها كل خصلة واختها ، لما الممثلة يللي عم بتقدم دور مشردة ونايمة يومين او 3 عالطريق ومكياجها بعدو لا شط ولا انتزع ووجها ما تجلغب جية وغبرا وثيابها يضلو مهفهفين مرتبين،او لما  تكون يومين ثلاثة بالمستشفى وتوعى بعد العملية والبنج وال” eyeliner  ” فوق عيونها مش زايح سنتم ،مننجح بالدراما اللبنانية بدرجة 10 على 10 لما يبطل المنتج يفرض لعبه الجافصين عالاعمال يللي بدو ينتجها وينّزل العمل تحت سابع ارض ،

images (1)ولما يبطل المنتج يحاول فاشلا صناعة نجمات مقوماتن جمالن البارز وبرودتن المميتة القاتلة زلما يبلش يعتمد عن اصحاب وصاحبات المواهبة الحقيقة فقط لا غير،مننجح بدرجة 10 على 10 لما يتم اطلاق سراح ايدين المخرج ويقوم بدوره كما يجب، لما تبطل ميزانية اغلب الاعمال عم تروح على الزينة والمكياج والثياب السينيه والشعر الاحلس والاملس، مننجح بدرجة 10 على 10 لما نبطل بالاعمال التاريخية  نحكي مودرن وعربي مكسر ع اسا طربوش بينا معلق ب”تور ايفل” ،ولما نبطل نسمع عبارات هالقرن باعمال اقله معمولة بال 1820 مثل “طلاع من راسي” و”مين اريك” وغيرها ، كان في شي بالماضي اسمه “ملاحظة سيناريو”،، ضروري وجوده بكل المسلسلات”.

وختم اندريه داغر بالقول :”طبعا مع اجلالنا الكبير لكل ممثل وممثلة ومخرج وكاتب ومنتج عم بيقومو بعملن بطريقة بترفع الراس”.

 

عن cmslgn

شاهد أيضاً

B715C7E3-A001-4FF9-82C9-0534AB4EEFC9

نانسي عجرم تعبر عن غضبها من الهجوم على الهبارية في جنوب لبنان

عادل سميا – اوائل نيوز  أبدت النجمة اللبنانية نانسي عجرم غضبها واستيائها الشديد من الهجوم …