Awael News Magazine رئيس التحرير: عادل سميا
مقالات مشابهة
بقلم الأخت ناي خوري
بالعربي الصريح بعد الغنية والفيديو اللي انتشرو اليوم من زميل فنان جاد خليفة بيملك صوت حلو وموهبة، مع البنت ميريام كلينك، منتأسّف على وجود هيك أعمال سخيفة ولاأخلاقية عم تتقدّم لمجتمعنا وشبيبتنا… بدك تقلي المجتمع كلو فساد، عيالنا فيها فساد، شركاتنا فيها فساد، شبيبتنا فيها فساد، نساءنا ورجالنا فيهن فساد، رجال الدين فيهن فساد؟؟؟… آخر همّي، بس الفن ما في يكون فيه فساد، فيها كواليسنا وحياتنا الشخصية تحتوي فساد، بس الاعمال اللي منقدمها ما فيها تكون فيها فساد ولاأخلاق وانحطاط… ما بقى لازم نسكت عن هالاعمال، وما حدا يقنعني انو الحق ع الصحافة ما عطيتن حقن بأعمالن، لذلك فاتوا بهيدا الباب، ايه لا، اصلا ولا مرة الصحافة عملت نجم او اسم او فنان، الصحافة بتحكي عن النجم ما بتعملو، هوي اللي بيعمل ذاتو… ما تسكتوا عن هالجرائم اللي عم تصير بحق الفن، بحق رسالتو، بحقكن انتو …
ما تسكتوا، انتو باب المجتمع، فنّك موهبتك هني مفتاح المجتمع، دافع عنن… ورجاءً، تمني على مقدمي البرامج التلفيزيونية، رجاءً ما تستضيفوا هالاشخاص، رجاء الصحافية ما تكتب عنن، ما تعطوهن فرصة إنو يظهروا على شاشاتنا ومواقعنا، ما تساوموا على مبادئنا كرمال الرايتنغ…
