Awael News Magazine رئيس التحرير: عادل سميا
مقالات مشابهة
بقلم الأخت ناي خوري
أصداء كبيرة وكتيرة السنة حول الأعمال الرمضانيّة، والأبرز إنو الكل بارز بالنجاح، الكل الكل، يعني كل الأدوار قد ما عاطين من قلبكن الأعمال كلها عم توّج… مش من واجبي النقد الفني العلمي، ولكن اللي بهمّني هوي انو عم نشوف إنو الاعمال بالاكثرية حاملة هموم الناس ناهيك عن البرامج الانسانيّة اللي بدق باب ضميرنا وقلبنا …
وهيدا من اهم طرق النجاح لما فعلاً تجسّد الواقع، لذلك النجاح مش واقف ع نسبة الرايتنغ ولا الاحصاءات، هودي خبريات بلهوك فيها عن نجاحك الحقيقي وعن إنك تشوف النقد البنّاء للأعمال الجاية…
وهون مندعي الزملاء الصحافيين والاعلاميين الفنيين إنّو يطلعوا بمقالاتهم من مستوى نسبة أرقام وأعداد وإحصاءات المشاهد، والحكي عن الملل وبطىء الأحداث…
لمستوى استخراج الرسائل الاجتماعيّة من الاعمال الرمضانية، هودي اعمال انعملت بتعب شهور، أقل عمل قادر يعطيك ٢٠ عنوان، ل٢٠ مقال، عن ٢٠ قضيّة، لضوّي على ٢٠ رسالة اجتماعية …
الزملاء الفنانين عم يحصدوا نجاح اعمال، احصدوا من نجاحهم رسايل لينجح المجتمع …
