Awael News Magazine رئيس التحرير: عادل سميا
مقالات مشابهة
بقلم الاخت ناي خوري
النا وقت ما تواصلنا، بس السخونة فوق الإرادة، يمكن بتأثّر ع التواصل بس اكيد ما بتأثّر ع الصلاة والمحبة اللي بتربطنا … بعرف انو كمان ضغوطات وشغل وركض وتعب، وهموم عند الكل، والاكترية بضغط تحضيرات برامج، وضغط تصوير لانهاء مسلسلات رمضان، والمل بالكواليس الخاصة فيه … بشعر بتعبكن، وبقدّر اجتهادكن، وبخاف عليكن من تأثيرات هالضغط… بس ما تخلوها تأثّر ع علاقتكن ببعض، ع صورتكن قدام الكبار ضيوف الشرف، ولا على المواهب الجديدة اللي عم تتمتل منكن…
ولا تسمحوا توتر تناغمكن بكل فريق وترابطكن، ما تخلوا تفاصيل صغيرة تعرقل اعمال كبيرة ….
وما تنسوا شو النفع ينجح العمل وتفشلوا مع بعضكن؟ كل عمل قد ما يعلى الرايتنغ تبعو بدو ينتسى عند اول عمل بيجي وراه، بس علاقتكن ببعض متل مراية القزاز، اذا تشعّرت بضلّ مراية بس بتتشوّه…
