Awael News Magazine رئيس التحرير: عادل سميا
مقالات مشابهة
بقلم الأخت ناي خوري
بلشت الاعلانات والترويجات الاعلامية للمسلسلات والبرامج المخصصة للشهر الفضيل رمضان كريم… واكيد كل هالاعمال هي نتيجة تعب ايام وليالي وضغط وركض وسهر… الشهر الفضيل ع الابواب، وهيدا شهر مبارك وخاصة انو السنة اولى ايامو من ايام الشهر المريمي، بين ختام الشهر المريمي وبين استقبال رمضان، حلو بدايةً نجدد حياتنا الروحية والانسانية… وثانيًا، الترويجات واجب لشد المشاهد، البانويات، البرومو، الصور، الدعايات كلها لازمة لنعرف شو في اعمال جديدة، ومن هلق رح خبركن انو كلكن ناجحين، وكل عمل حلو بقصتو وباخراجو وانتاجو وتمثيلو، بتختلف النسبة هيدي بتشوفوه مهنيًا، بس الاكيدة منو انو النجاح مكفول للكل… للكل، يعني لكل عمل مسلسل او برنامج، واكتر، للكل، يعني بكل عمل كل الفريق هوي سبب النجاح، الكل ناجح، الكاتب، المخرج المنتج الابطال كل الممثلين، كل التقنيين … دعايات الاعمال مهنيًا بتعرض صور الابطال، لكن النجاح سببو الكل مهما كان دوره… ما حدا يحتكر النجاح، اشتغلتوا سوا، تعبتوا سوا، ضحيتوا سوا، انجحوا سوا وافرحوا سوا… كافلة نجاح الاعمال ومتأملة بنجاح العلاقات، بتمنى انو ما يوقف النجاح عند الرايتنغ وتخسروا صداقاتكن وساعتها شو نفع ينجح عمل بس انتو تصيروا اعداء ؟…
