Awael News Magazine رئيس التحرير: عادل سميا
مقالات مشابهة
بقلم الأخت ناي خوري
حضرت مسرحية المبدع الكبير جورج خباز ومع فريق عمله بمسرحيته هالسنة عم يجسّد موضوع كلنا بهمنا… ” كواليس”… كواليس الفنانة وزوجها، اللي هني بوسط الحلبة بين الفن والحياة الخاصة… وبتبين المسرحية الصراع اللي بعيشو الفنان(ة) وشريكه(ته) بحياتن… صراع بين العمل والشهرة والاضواء، وبين الحياة الزوجية والعائلة والانجاب… عدا عن تدخلات الآخرين في حياتهم، وتأثير الشهرة والعمل على حياتهم اليومية والخاصة… وبالاخير الانفصال… وبطال المنافسات والاغاني الهابطة مش رح اتوقف عليها …
لكن خلونا نطرح سوا بعض اسئلة بتخلينا نوقف شوي ونفكر بجدية ذاتية، مين ما كنا بالوسط الفني والاعلامي يمكن منعيش هاللحظات، انا ما فيي حل هالمشاكل اللي اكتريتنا منعاني منها، لكن فيي ساعدك لتفكر: الحق ع مين؟ ليش وصلت لهون؟ وين انا من حياتي الخاصة؟ شو دور الشريك بحياتك، ” زوج الست”؟؟، شو الاوليات بحياتي، العائلة، الاولاد، الشهرة، المال؟؟ انت مين قدام ذاتك، أخدك الغرور، سحرتك الشهرة؟؟ مين انت مع اللي حوليك، اهم الناس، متعالي عن البشرية، كل الناس كومبارس بحياتك، حتى عائلتك وشريك(ة) حياتك؟…
انت مين قدام الله، عم تصلي، الدين مفصول عن الفن؟ هلق بدنا شهرة بأي طريقة ولاحقين ع الصلاة والتوبة؟؟…
اسئلة بحطها قدام تفكيرك، وجوابها بقلبك انت بس، اصلا انا بدي جواب، بيكفيني تجاوب ذاتك …
