Awael News Magazine رئيس التحرير: عادل سميا
مقالات مشابهة
بقلم الأخت ناي خوري
حرام يمرق الصيام كامل، والعيد بالموت والقيامة، وما نكون قدرنا نقطف ثمار هالايام… بدك نموّت المسيح ونقوموا لنكون عملنا العيد؟ او هوي فعل تأوين الحدث بحياتك انت، اللي بهالذكرى نحن منموّت بداخلنا كل شي سيء، لنقوم مع سيد القيامة بالروح الجديدة… كم من سنين عم نأون حدث القيامة بس مش عم نقدر نموّت الغرور فينا…. الغرور عم ياكل مبدعينا، الغرور مسيطر ع تصرفاتن وكلامن، الغرور سيد مواقفن، الغرور باب معاملتن مع الناس… مش عم بقدر افهم، كيف بكون فنان خلاّق متجدد وكيف قادر يكون مغرور؟ مية واسطة لتقدر توصل لمدير اعمالو للفنان، هيدا اذا وصلت وما شرحطك مية مرة مدير الاعمال. ليش هالتعالي؟ ليش الفنان اعلى من الناس؟ الفنان مختار من بين الناس لكن مش غير الناس…
ع كل حال ليكن معلومًا بيناتنا زملائي، انو الفنان المغرور بعد ما وصل لاولى درجات الابداع حتى لو كان ضارب السوق، وكمان غرورك ممكن يسبب انزعاج لزملائك وللمحيطين فيك، لكن فقط انزعاج وبسبب نفور، لكن ما بسببلن الأذى… المتأذي الوحيد من الغرور هوي المغرور ذاتو، لانو هوي العليم بضعفو اللي مخبيه وراء الغرور…
لان كل مبدع منا قد ما يعمل حالو متعالي، لما يحط راسو ع المخدة بيعرف طبيعتو، وضميرو، وحتى ضعفو… المغرور بيإذي حالو اولا لأن بتعاليه بينسى ذاتو ويمكن يضيعها… سعيدة، وتصبحوا على تواضع
