الشهرة إله آخر

مارس 27, 2017 بالعربي الفصيح اضف تعليق

بقول شوبنهاور ” الثروة متل ما بتشرب من ماء البحر، بزيد عطشك، وهذا ما ينطبق على الشهرة”… والشهرة عم تتحوّل بزمانا اليوم لإله جديد بيتحكم فينا وبأعمالنا وحتى تصرفاتنا…. ولما السيد المسيح نبّه “إيّاك ان تعبد ربّين، اما المال أو الله”، مع بعضن ما فيك تعبدن… وألوهيّة الشهرة اليوم عم تنسينا تعاليمنا الروحية والمبادئ الأخلاقية… بدن يعبدوا الشهرة، وبدن يعيشوا بروحها، ع حساب الآخرين، ع حساب كرامتهم وصيتهم ووظائفهن ومركزهن، بيعملوا المستحيل ليزيحوا الكل من دربن بس ليوصالوا للشهرة…

صارت الشهرة اكتر من مرض صارت عبوديّة، سلاسلها متحكمة فينا، منمحي الكل بس نحصل ع اللي بدن اياه، بينهان اشخاص، بتنهان كرامات، بيوقف شغل البعض، منخلق خلافات، كلو ما بهم المهم نوصال، المهم ننشهر… حتى ع حساب ذاتنا، عبودية الشهرة بتملكة ذاتنا، منقدم كل تنازلات المطلوبة، الماديّة، الفكرية، الجنسية، الاجتماعية، منساوم ع كل مبادئنا وتعاليمنا ومربانا، وللأسف يا دعان مربانا ببعض الأحيان، وكلو ما بهم المهم نوصال للشهرة….

شو هالإله اللي قادر ينسينا ذاتنا، وإخوتنا، وإلهنا الحقيقي، اللي رح يضل ناطرنا انو نرجع للحقيقة…

وعوا من عمى الشهرة وألوهيتها لأن الله وحده الحق، ” أنا هو الرب إلهك ولا يكن لك إله غيري”، “لا إله إلا الله”….