Awael News Magazine رئيس التحرير: عادل سميا
مقالات مشابهة
عادل سميا – اوائل نيوز
خلال حلقة اليوم من احدى البرامج عبر المؤسسة اللبنانية للارسال lbci بادر الاعلامي جورج يونس للتحدث عن اعداء النجاح بحيث قال:
كلن بيتمنولك النجاح شرط ما تكون انجح منن، بيتمنولك التقدم شرط ما تكون قدامن، بيتمنوا يوقفوك ليوقفوا محلك، وبيحلموا تكون وراهن. في غنية لاحلام بتقول” اللي ما يطول العنب حامضًا عنه يقول” فاذا ما قدروا يوصلوا لمطرحك، بيستهزؤا باللي وصلتلو. بس اد منن وقحين ومحتالين، برافقوك بمشوارك، بيركبوا على ضهرك، بحملوك احكام، اشاعات، بيحملوك وسمة عار، بحَمّلوك تيتقلوك لتركع وما تعلّي، اوعا تنحني وتمشي زحف، لان اذا و زحفت ما بقى فيك تعلّي.. عالاغلب النجاح بيولد الاعداء، اللي ما قادر يلحقك بيطعنك، بس الناجح هو اللي بيآمن بالمتل الشهير “اذا اجتك الضربة من الخلف، اعراف انك بالمقدمة”، واستمرارك بالنجاح هوي الرد البليغ على اعداء النجاح. افرد جوناحك وكون متل النسر، كون عقاب، كون صقر اذا فيك. هالطيور ما عندها رقبة لتطلع لورا، صوّب على هدفك وتصيد الفرص. ارتفع وعلّي، كل ما تعلي كل ما يصيروا نقطة قدامك ما بقى بتقشعن، ما بقى بيقشعوك. وما بعتقد فيه شي بيوجع الفاشيل اكتر من استمرارية نجاح الناجح. الخيار الك، يا بتكون نسر بحياتك وبتحلّق، يا بتكون غراب بيحياة غيرك وبتوقف محلك
