Awael News Magazine رئيس التحرير: عادل سميا
مقالات مشابهة
بادرت الإعلامية والممثلة اللبنانية كارين سلامة لتوجيه رسالة وفاء لزملائها في قناة المستقبل بحيث جاء في نص الرسالة:
رسالة مفتوحة إلى زملائي بتلفزيون المستقبل.
حزين كتير الزمن لوصلنا نودع بعض،نودع لحظات وايام عشناها سوى….بعدني لليوم بتذكر النهار لفتت في على التلفزيون،بتذكر الطاقة يللي كانت موجودة،الشباب المليانة حياة،الحماس والاعتزاز باننا ابناء مدرسة الحريري….وراحت واجت الايام وبرم الزمن….ومثل ما أصاب البلد اصابنا نحنا،كافحنا،قاومنا،صبرنا وجربنا….لوصل الوقت مثل ما اتطلب البلد تضحيات تيوقف على اجريه المؤسسة لازم تعمل نفس الشي تتستمر….هتونا كتير على وفاءنا،جربوا يكسروا فينا،لكل هول الأشخاص بقلهم الوفاء ما بينطر شي بالمقابل،الوفاء هو صفة ولاد العيل ونحنا ولاد رفيق الحريري نحنا ولاد عيل. الوفاء اعطانا كثير،اعطانا يللي المصاري ما بتشتري،ولا ذهب العالم كلو،عطانا قعداتنا سوى على الترويقة انا وفادي وبلال وغيدا،عطانا ضحكاتنا بعالم الصباح وقت البريك انا ونتالي وعمر وسامر وتوفيق، عطانا سفراتنا على بلاد العالم انا وجوزيف وميشال ومنير،عطانا زياراتنا لبعض بالفرح والبحزن،عطانا نعرف ريف شو طبخت واماني شو جابت بنتها على الفحص،اعطانا انا وجبران نتخانق على شو لازم البس بالحلقة….الوفاء يللي عم تهتونا فيه اعطانا صداقات ولحظات وايام كنوز الدني ما بتعوضها….وبالآخر لالكن انتوا اخواتي يللي فارقتونا هيدا منو آخر المشوار لانو حتى لو المبنى تغير بس المحبة يللي بيناتنا عمرها ما بتتغير….
تحية وفاء لروحك يا شهيدنا الغالي….وتحية وفاء لدولة الرئيس سعد الحريري يللي اختار الصمود …..وما حدا بقى يهتنا بالوفى بالعكس تعلموا منا……إلى اللقاء يا أصدقائي وبالمستقبل اكيد.
