Awael News Magazine رئيس التحرير: عادل سميا
مقالات مشابهة
عادل سميا – اوائل نيوز
كثير من الفنانين غنوا لـ”الاحساس” وعنه، مستخدمين هذه الكلمة الرومنسية الجميلة، المرتبطة بمشاعر العشاق والمحبيّن ، منهم اليسا (اجمل احساس)، وعبير نعمة (بلا ما نحسّ) ، ومعين شريف (يا بلا قلب يا بلا احساس)، وتامر حسني (إحساس)، وراشد الماجد (إحساس وظبي)، ورابح صقر (احساس ما حسيت فيه بحياتي) ، وبلقيس (احساس) ، وابراهيم عبد العظيم (تجرح بدون احساس)، وجودة بندق (إنسان بدون احساس) ، وحسام الرسام (عندي احساس)، ومحمد سعيد (اول احساس)، واياد طنوس (بلا احساس)، ودلال الصغيرة (اخاطب احساس) ، وسهى المصري (بلا حس) .. وسواها الكثير والكثير .. إلا ان ذلك لم يمنع الفنان اللبناني سليم عساف من إطلاق اغنية جديدة، من كلماته وألحانه وغنائه بعنوان “بلا احساس ” ، ومن توزيع جوزيف ديمرجيان وميكس وماستر ايلي بربر . وشارك عساف متابعيه، مقطعاً من الأغنية عبر صفحته الخاصة في موقع التواصل الإجتماعي، وكتب :”يمكنكم مشاهدتها على قناة سليم عساف الرسمية على يوتيوب”. ولاقت الأغنية رواجاً سريعاً بين المتابعين، الذين تفاعلوا معها بشكل كبير فور إطلاقها، وشاركوها عبر صفحاتهم الخاصة، وأبدوا إعجابهم بها، وشاركوها عبرصفحاتهم الخاصة.
وتقول كلمات الأغنية:
“كل شي كان
ماشي حالو بيني وبينو من زمان
وأغلى مني ما عندو إنسان
زعلنا شوي ومع الوقت كبر الزعل وغاب عني
لو ببعت قلبي ورا ليردّو
ولا عيوني يبقو حدّو
عالقليلة بيحرسو
لمّا يتعب بيواسو
وبيقولولي وين أرضو
قولولو إنو بغيابو قتلني
عم كابر ع حالي لكن غصب نعني
عم بشتقلو يا ناس
نيالو بلا إحساس بإيدي عمّرتو وهدمني
لو ببعت قلبي ورا ليردّو
ولا عيوني يبقوا حدو
عالقليلة بيحرسو
لما يتعب بيواسو
ويقولولي وين أرضو
يا ساعات لو فيكي تمشي بالعكس يا ساعات
وإسمع صوتو وترجعلي الحياة
بعرف هالشي مستحيل
أنا لازم صدّق خلص إنّو ضاع مني
لو ببعت قلبي ورا ليردو
ولا عيوني يبقوا حدو
عالقليلة بيحرسو
لما يتعب بيواسو
وبيقولولي وين أرضو
إلا قلبي ما إلو مطرح تاني
حبيبي بيضلّو لو نساني
مع إنو قاسي طلع
ما بدّي يا ينوجع
يا ربي لعيوني ردو
قولولو إنو بغيابو قتلني
عم كابر ع حالي لكن غصب نعني
عم بشتقلو يا ناس
نيالو بلا إحساس
بإيدي عمّرتو وهدمني”.
ويُعرف عن سليم عساف رهافته وشدة مشاعره ، كشاعر وملحن للعديد من أشهر الفنانين اللبنانيين الذين غنوا من اعماله التي ضاعفت من شهرتهم ونجاحهم، ومنهم كارول سماحة ، ووائل كفوري، ونجوى كرم ، وماجدة الرومي ، ويارا ، ورامي عياش ، وصابر الرباعي، واليسا، وديانا حداد، ونانسي عجرم وسواهم.. ومن ألحانه “البنت القوية” و”اضواء الشهرة” و”حلم البنات” و” شو سهل الحكي” و”يا شباب يا بنات” و”غنولو” وعشرات الأغاني الأخرى . ومن المتوقع ان تنضم اغنيته الجديدة “بلا احساس” الى هذه القائمة من اغانيه وألحانه الرائجة.
