الرئيسية / أخبار خاصة / خاص جو صادر: قصة حياتي اكتر من مسلسل، قريبا بطولة مطلقة وسيرين عبد النور كاملة متكاملة!

خاص جو صادر: قصة حياتي اكتر من مسلسل، قريبا بطولة مطلقة وسيرين عبد النور كاملة متكاملة!

507F38CF-01B3-43B1-8425-D3ACF46FA260ايلي مرعب – اوائل نيوز 

دخل عالم التمثيل من خلال أدوار صغيرة ولكن تميَّز بها، واليوم أصبح من الوجوه المطلوبة والمعروفة لأدوار كبيرة مركبة.
إضافة الى التمثيل جو صادر من المؤثرين على مواقع التواصل الاجتماعي ينشر فيديوهات طريفة يرسم البسمة على وجوه المتابعين بطريقة ذكية وعفوية.

كان لنا هذا الحوار معه

شاركت بعدة مسلسلات ونوعت بالشخصيات، شو أكتر دور برز موهبتك التمثيلية وعرَّف الناس عليك كممثل؟

مسلسل بعد مسلسل أدواري ثبّتتني أكتر تمثيليًا، بداية وجودي بمسلسل عشق النساء عرَّف الناس عليّ بس لا شك إنو دور أمير بمسلسل حنين الدم عمل نقلة نوعية كتير حلوة وقريبًا بمسلسل موجة غضب جزء ٢ ” فادي ” الشخصية يلي عم بلعبها رح تترك اثر كبير.

شو رأيك بتصريح وهجوم باميلا الكيك على بعض الشباب والصبايا يلي دخلوا مجال التمثيل من عالم الجمال؟

صراحة باميلا الكيك انا من اشد المعجبين فيها، بنظري التمثيل بدو موهبة وفي نجوم كتار ناجحين ومتفوقين على ممثلين دارسين تمثيل، انا من مجال الجمال دخلت عالم التمثيل وعم طوِّر موهبتي.

شو الدور يلي حابب تلعبوا وناطر ينعرض عليك؟ واذا طلب منك تختار سيرة ذاتية مين بتكون؟

حابب العب دور مركب وصعب يمكن شخصية شريرة أو شخصيّة عم بتعاني من مشاكل جسديّة او نفسيّة.
صراحة وبكل تواضع حابب اعمل قصة حياتي، قصة حياتي اكتر من مسلسل وبعد رح اعملها يوما ما قد ما مليانة صعوبات ومشاكل ونجاح وفشل مرقت فين.

رح ينعرض قريبًا مسلسل دانتيل وانت شاركت فيه شو بتخبرنا عن هالتجربة؟

مسلسل دانتيل شاركت فيه كضيف عمل كامل متكامل من جميع النواحي القصة كتير حلوة، الممثلين كتير بحبن وفي نجوم تعرفت علين شخصيًا وكتير فرحت اني تعاملت معن اما سيرين عبد النور كاملة متكاملة جمال، تمثيل، صوت، اخلاق انا بحبها من قلبي وكتير حبيت اني شاركت بمسلسل من بطولة سيرين.

بنهاية حديثنا شو بتخبرنا عن اعمالك لجديدة؟ وهل رح يكون في عمل بطولة مطلقة؟

رح ينعرض قريبًا الجزء التاني من مسلسل موجة غضب.
بدئنا تصوير مسلسل الزمن الضائع بطولة مطلقة اخراج مريان صقر انتاج أستاذ ايلي معلوف وكتابة غابي مرعب وبتجمعني ثنائية مع جوي هاني.القصة كتير حلوة ومعنا نجوم كتير كبار ومخضرمين.

فقرة الأسماء والأسئلة السريعة

ماغي بو غضن : ولا اهضم واطيب من هيك مخلوقة
داليدا خليل : حبيبة قلبي بلشت بادوار كتير صغيرة معها ومن الأشخاص يلي دعمتني بحبها من قلب قلبي.
نيقولا مزهر : الخي والصديق من اقرب الأشخاص وقليل بعد تلاقي أصدقاء من نفس المجال وهالقد قريبين من بعض.
سيرين عبد النور : كاملة متكاملة من جميع النواحي
مكسيم خليل : نجم عربي كبير وبحب شارك بمسلسل من بطولة مكسيم.
محمود مصر : تعرفت عليه بمسلسل دانتيل كتير قريب للقلب وبتمنالو كل الخير والنجاح.

عن cmslgn

شاهد أيضاً

DF8F8E59-0DEE-4AA1-A6EF-59990EECE1A2

مهرجان “كرمالك يا وطن” اساء للثورة والثوار وللبنان واللبنانيين فوقع في الفخ

عادل سميا – اوائل نيوز  اقامت جمعية “لبناني وافتخر” مساء امس السبت مهرجاناً تحت عنوان …

أضف تعليق

لن يتم نشر عنوان بريدك الإلكتروني. الحقول الإلزامية مشار إليها بـ *

يمكنك استخدام أكواد HTML والخصائص التالية: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>